Felmtri slegin

Þori ekki að fara að sofa. Er hræddari en elgur. Við Gígja vorum á svo ógeðslegri mynd í bíó. Saw. Sá reyndar ekki mikið því sökkti mér niður í stóra mjúka sætið og hélt höndum yfir augum nær alla myndina. En er samt hrædd. Er svo búin að lesa um hana á imdb síðan ég kom heim sem bætir ekki stöðu mína. Hrollur. Hví lifi ég mig svona mikið inn í myndir? Já mér er spurn. En það þýðir ekki að væla yfir þessu. Fín mynd alveg svo sem (en ekki falleg setning þetta (hvað um það(ekki geta allir ritað fagrar setningar(sérstaklega ekki þeir sem eru skjálfandi hræddir að býsnast við að blogga)))). Held ég downlódi einum þætti af Scrubs eða svo fyrir svefninn til að fá smá gleði í blóðið mitt (eða hvert sem gleðin fer).