Jólin týnd

Jólastemmningin mín er týnd. Ef einhver verður á vegi hennar má sá hinn sami endilega láta mig vita því nú eru bara tveir dagar til jóla og enga sérstaka tilhlökkun ber ég í brjósti fyrir þessum jólum.
Held ég sé ennþá að jafna mig eftir þessa leiðinlegu prófatörn og hið ennþá leiðinlegra ferðalag sem ég átti heim til Íslands. Var að ferðast ein svo þurfti að skipta um sæti ég veit ekki hvað oft svo hinn og þessi gætu setið saman og var með yfirvigt og ég veit ekki hvað. En nóg um væl. Ég veit hvað getur glatt mitt litla hjarta. Maraþonáhorf á Mæðgurnar (e. Gilmore Girls). Móðir mín tók þetta allt upp fyrir mig á meðan ég dvaldi í Danmörku svo nú hef ég nóg að gera í fríinu mínu. Þangað til næst.